പ്രണയത്തിന്‍ മുകുളം വിരിയും
ഹൃദയത്തില്‍ മെല്ലെ മെല്ലെ
പുതുമഴയുടെ സുഖമരുളുകെന്‍ സഖി നീ
കണ്ണനേ കള്ളനാ മനസിലൊഴുകും
യമുനയില്‍ അലകളെഴുതി നറുവെണ്ണ
പയ്യെ പയ്യെ കവരുമെങ്കിലും
നുണ പറയുമെന്‍ മനമലിയും
ഓമനേ തങ്കമേ
കടമ്പെണ്ണ പോലെ ഞാന്‍ അടിമുടി പൂത്തു പോയ്
കിളി മൊഴിയായി നിന്‍‌റെ വേണു മൂളവേ
അമ്പലചുവരിലെ ശിലകളിലെന്നപോല്‍
പുണരുകയെന്നെ ദേവ ലാസ്യമോടെ നീ
ഉടലിനുള്ളിനായ് ഒളിഞ്ഞിരുന്നൊരീ മുറി
തുറന്നീടാന്‍ വന്നു നീ
കുടിലിനുള്ളിലായ് മയങ്ങി നില്‍ക്കുമീ
തിരി കെടുത്തുവാന്‍ വന്നു ഞാന്‍
മധുവിധു മയം മിഥുന ലഹരി
തഴുകിയൊഴുകി നാം
ഓമനേ തങ്കമേ
പുതു വയലെന്നപോല്‍ അലയിളകുന്നുവോ
തുരുതുരെയായി രാഗ മാല പെയ്യവേ
അരുവിയിലെന്നപോല്‍ ചുഴിയിളകുന്നുവോ
മണിമലരമ്പുകൊണ്ട കന്യ നിന്നിലായ്
കുയില്‍ കുരവയില്‍ മുഖരിതമൊരു
വെളുവെളുപ്പിനു വന്നു നീ
കണിതളികയില്‍ തുടിക്കുമീയിളം
കണിയെടുക്കുവാന്‍ വന്നു ഞാന്‍
മധുരിതമൊരു പ്രണയകഥയില്‍
ഒഴുകി ഒഴുകി നാം
ഓമനേ തങ്കമേ അരികില്‍ വരികെന്‍
പ്രണയത്തിന്‍ മുകുളം വിരിയും
ഹൃദയത്തില്‍ മെല്ലെ മെല്ലെ
പുതുമഴയുടെ സുഖമരുളുകെന്‍ സഖി നീ
കണ്ണനേ കള്ളനാ മനസിലൊഴുകും
യമുനയില്‍ അലകളെഴുതി നറുവെണ്ണ
പയ്യെ പയ്യെ കവരുമെങ്കിലും
നുണ പറയുമെന്‍ മനമലിയും
ഓമനേ തങ്കമേ
Wednesday, August 13, 2008
ഓമനേ
ഓമനേ തങ്കമേ അരികില്‍ വരികെന്‍
