ആയിരം അജന്താ ചിത്രങ്ങളില്‍..

ആയിരം അജന്താ ചിത്രങ്ങളില്‍..
ആ മഹാബലിപുര ശില്‍പ്പങ്ങളില്‍..
നമ്മുടെ മോഹങ്ങള്‍ ജന്മാന്തരങ്ങളായ്
സംഗീതമാലപിച്ചു.. സംഗമസംഗീതമാലപിച്ചു..
ഓര്‍മ്മയില്ലേ.. നിനക്കൊന്നും ഓര്‍മ്മയില്ലേ..

പ്രിയതമനാകും പ്രഭാതത്തെ തേടുന്ന
വിരഹിണിസന്ധ്യയെപ്പോലെ ...
അലയുന്നു ഞാനിന്നു...
അലയുന്നു ഞാനിന്നു നിന്നുള്ളിലലിയുവാന്‍
അരികിലുണ്ടെന്നാലും നീ...
വെണ്‍മേഘഹംസങ്ങള്‍ കൊണ്ടുവരേണമോ
എന്‍ ദുഃഖസന്ദേശങ്ങള്‍...
എന്‍ ദുഃഖസന്ദേശങ്ങള്‍...

(ആയിരം അജന്താ)

വിദളിതരാഗത്തിന്‍ മണിവീണതേടുന്ന
വിരഹിയാം വിരലിനെ പോലെ...
കൊതിയ്ക്കുകയാണിന്നും...
കൊതിയ്ക്കുകയാണിന്നും നിന്നെ തലോടുവാന്‍
മടിയിലുണ്ടെന്നാലും നീ..
നവരാത്രി മണ്ഡപം കാട്ടിത്തരേണമോ
മമ നാദ നൂപുരങ്ങള്‍..
മമ നാദ നൂപുരങ്ങള്‍....

(ആയിരം അജന്താ)